ਬੀਤੇ ਦਿਨੀ ਪੰਜਾਬ ਕਾਂਗਰਸ ਭਵਨ ਚੰਡੀਗੜ੍ਹ ਵਿਖੇ ਹੋਈ ਮੀਟਿੰਗ ਵਿਚ ਪੰਜਾਬ ਕਾਂਗਰਸ ਪ੍ਰਧਾਨ ਵਲੋ ਨਵ ਨਿਯੁਕਤ ਜਿਲਾ ਪ੍ਰਧਾਨਾਂ ਨੂੰ ਸਖਤ ਹਦਾਇਤਾਂ ਦਿੱਤੀਆਂ ਹਨ ਕਿ ਪਾਰਟੀ ਦੇ ਪ੍ਰੋਗਰਾਮਾਂ ਵਿੱਚ ਮਹੱਤਵਪੂਰਨ ਅਹੁਦਿਆਂ ਤੇ ਬੈਠੇ ਵਿਅੱਕਤੀਆਂ ਦੀ ਹਾਜ਼ਰੀ ਯਕੀਨੀ ਬਣਾਈ ਜਾਵੇ, ਜੇਕਰ ਕੋਈ ਲਾਪ੍ਰਵਾਹੀ ਕਰਦਾ ਹੈ ਤਾਂ ਉਸਦੀ ਰਿਪੋਰਟ ਪੰਜਾਬ ਕਾਂਗਰਸ ਨੂੰ ਭੇਜੀ ਜਾਵੇ । ਪ੍ਰੋਗਰਾਮਾਂ ਵਿੱਚ ਬਲਾਕ ਪ੍ਰਧਾਨਾਂ, ਮੌਜੂਦਾ ਕੌਂਸਲਰਾਂ , ਵਾਰਡ ਇੰਚਾਰਜਾਂ, ਸੈਲਾਂ ਦੇ ਚੇਅਰਮੈਨਾਂ, ਜਿਲਾ ਕਾਂਗਰਸ ਕਮੇਟੀ ਦੇ ਅਹੁਦੇਦਾਰਾਂ ਦੀ ਹਾਜ਼ਰੀ ਲਗਵਾਈ ਜਾਏ । ਬਿਨਾ ਕਾਰਨ ਦੱਸੇ ਗੈਰ ਹਾਜ਼ਰ ਰਹਿਣ ਵਾਲੇ ਅਹੁਦੇਦਾਰਾਂ ਦੀ ਲਿਸਟ ਪੰਜਾਬ ਕਾਂਗਰਸ ਨੂੰ ਭੇਜੀ ਜਾਵੇ । ਇਸ ਦੇ ਨਾਲ ਨਾਲ ਜਿਹੜੇ ਅਹੁਦੇਦਾਰ ਪਾਰਟੀ ਦੇ ਅਹੁਦੇ ਲੈ ਕੇ ਪਾਰਟੀ ਦੇ ਪ੍ਰੋਗਰਾਮਾਂ ਵਿਚ ਸ਼ਾਮਲ ਨਹੀ ਹੁੰਦੇ ਉਨਾਂ ਤੇ ਵੀ ਹੁਣ ਨਜਰ ਰੱਖੀ ਜਾਵੇਗੀ । ਜਿਲਾ ਕਾਂਗਰਸ ਕਮੇਟੀ ਸ਼ਹਿਰੀ ਦੇ ਪ੍ਰਧਾਨ ਰਜਿੰਦਰ ਬੇਰੀ ਨੇ ਆਪਣੇ ਦਫ਼ਤਰ ਸਟਾਫ ਨੂੰ ਸਖ਼ਤ ਹਦਾਇਤਾਂ ਦਿੱਤੀਆਂ ਹਨ ਕਿ ਹਰ ਪਾਰਟੀ ਪ੍ਰੋਗਰਾਮ ਵਿੱਚ ਆਉਣ ਵਾਲੇ ਅਹੁਦੇਦਾਰਾਂ ਦੀ ਹਾਜ਼ਰੀ ਲਗਾਉਣੀ ਯਕੀਨੀ ਬਣਾਈ ਜਾਵੇ ਅਤੇ ਬਿਨਾ ਕਾਰਨ ਦੱਸੇ ਨਾ ਆਉਣ ਵਾਲੇ ਅਹੁਦੇਦਾਰਾਂ ਦੀ ਸੂਚੀ ਤਿਆਰ ਕਰਕੇ ਮੈਨੂੰ ਦਿੱਤੀ ਜਾਵੇ ਉਸਦੀ ਦੀ ਇਕ ਕਾਪੀ ਪੰਜਾਬ ਕਾਂਗਰਸ ਨੂੰ ਭੇਜੀ ਜਾਵੇਗੀ ।
